یہودی کے کھجور کے درخت اور حضرت ابودجانہ رضی اللّٰہ عنہ کا اسلامی واقعہ

 

حضرت ابودجانہ رضی اللّٰہ عنہ كى ہر روز كوشش ہوتى كہ وہ نماز فجر رسول اللّٰہﷺ كے پيچھے ادا كريں، ليكن نماز كے فورى بعد يا نماز كے ختم ہونے سے پہلے ہى مسجد سے نكل جاتے، رسول اللّٰہﷺ كى نظريں ابودجانہ كا پيچھا كرتيں ، جب ابودجانہ كا يہى معمول رہا تو ايك دن رسول اللہﷺ نے ابودجانہ كو روک كر پوچھا :

’’ابودجانہ! كيا تمہيں اللّٰہﷻ سے كوئى حاجت نہيں ہے؟

ابودجانہ گويا ہوئے: كيوں نہيں اے اللّٰہﷻ كے رسولﷺ، ميں تو لمحہ بھر بھى اللّٰہﷻ سے مستغنى نہيں ہوسكتا۔۔۔

رسول اللّٰہﷺ فرمانے لگے، تب پھر آپ ہمارے ساتھ نماز ختم ہونے كا انتظار كيوں نہيں كرتے، اور اللّٰہﷻ سے اپنى حاجات كے ليے دعا كيوں نہيں كرتے۔۔۔

ابودجانہ كہنے لگے اے اللّٰہﷻ كے رسولﷺ! در اصل اس كا سبب يہ ہے كہ ميرے پڑوس میں ايك يہودى رہتا ہے، جس كے كھجور كے درخت كى شاخيں ميرے گھر كے صحن ميں لٹكتى ہيں، اور جب رات كو ہوا چلتى ہے تو اس كى كھجوريں ہمارے گھر ميں گرتى ہيں، ميں مسجد سے اس ليے جلدى نكلتا ہوں تاكہ ان گرى ہوئى كھجوروں كو اپنے خالى پيٹ بچوں كے جاگنے سے پہلے پہلے چُن كر اس يہودى كو لوٹا دوں، مبادا وہ بچے بھوك كى شدت كى وجہ سے ان كھجوروں كو كھا نہ ليں۔۔۔

پھر ابودجانہ قسم اٹھا كر كہنے لگے اے اللّٰہﷻ كے رسولﷺ! ايک دن ميں نے اپنے بيٹے كو ديكھا جو اس گرى ہوئى كجھور كو چبا رہا تھا، اس سے پہلے كہ وہ اسے نگل پاتا ميں نے اپنى انگلى اس كے حلق ميں ڈال كر كھجور باہر نكال دى۔ ۔۔

اللّٰہﷻ كے رسولﷺ! جب ميرا بيٹا رونے لگا تو ميں نے كہا اے ميرے بچے مجھے حياء آتى ہے كہ كل قيامت كے دن ميں اللّٰہﷻ كے سامنے بطور چور كھڑا ہوں۔۔۔

سيدنا ابوبكر رضى اللّٰہ عنہ پاس كھڑے يہ سارا ماجرا سن رہے تھے، جذبہ ايمانى اور اخوت اسلامى نے جوش مارا تو سيدھے اس يہودى كے پاس گئے اور اس سے كھجور كا پورا درخت خريد كر ابودجانہ اور اس كے بچوں كو ہديہ كر ديا۔۔۔

پھر كيوں نہ اللّٰہ سبحانہ وتعالىٰ ان مقدس ہستيوں كے بارے يہ سند جارى كرے:

﴿رَّضِىَ اللّـٰهُ عَنْـهُـمْ وَرَضُوْا عَنْهُ﴾

"اللّٰہ ان سے راضی ہوا اور وہ اللّٰہ سے راضی ہوئے-"

چند دنوں بعد جب يہودى كو اس سارے ماجرے كا پتہ چلا تو اس نے اپنے تمام اہل خانہ كو جمع كيا، اور رسول اللّٰہﷺ كے پاس جا كر مسلمان ہونے كا اعلان كر ديا۔۔۔ الحمدللّٰہ

عزيزو!

ابودجانہ تو اس بات سے ڈر گیۓ تھے كہ ان كى اولاد ايک يہودى كے درخت سے كھجور كھانے سے كہيں چور نہ بن جائے۔۔۔۔

اور آج ہمارا كيا حال ہے ؟؟؟۔۔۔۔

اللّٰہ تعالیٰ ہمیں سنتِ محمدیﷺاور سنتِ صحابہ رضوان اللّٰہ تعالیٰ علیہم اجمعین پر چلنے کی توفیق عطا فرماۓ آمین

(بحوالہ: الطبقات الكبرى لإبن سعد)

گوگل پلس پر شئیر کریں

ہمارے بارے میں

دنیا کی سب سے بڑی اردو ویب سائٹ، اردو خبریں، اردو شاعری، اردو کہانیاں، اسلامی کہانیاں، اخلاقی کہانیاں، قسط وار کہانیاں، خوفناک کہانیاں، اردو ناول، ٹیکنالوجی، کاروبار، کھیل، صحت، اسلام، ادب، اسلامی نام، اسلامی مضامین۔ سبلائم گیٹ ایک بہترین ویب بلاگ ہے اور آپ یہاں اپنی من پسند تحریریں پڑھ سکتے ہیں