قصور کس کا ہے؟ اک نہایت سبق آموز واقعہ

اسد چیختا چلاتا ہوا گھر میں داخل ہوا- " امی ، امی ...." اسد کی امی جو کچن میں تھی باہر آئی اور کہا " کیا ہوا اسد ؟ کیوں چلا رہے ہو" "امی امی! میں نے اپنی کلاس میں فرسٹ پوزیشن حاصل کی ہے. " اسد نے خوشی سے کہا-اس کی امی نے کہا "شاباش"! بیٹا اور اسے خوب پیار کیا اور خوب شاباشی دی - 

شام کو جب اسد کے ابو گھر آئے تو اس نے خوشی سے کہا - ابو ابو میں کلاس نے فرسٹ پوزیشن حاصل کی ہے - اسد کے ابو بھی بہت خوش ہوئے اور اسے بہت سارا پیار اور مبارکباد پیش کی- اسد نے فوراً کہا ابو آپ نے وعدہ کیا تھا کہ آپ مجھے میرے پاس ہونے پر لیپ ٹاپ لا کر دیں گے- اسد کے ابو نے کہا " بیٹا ضرور لاکر دینگے " اور اسد خوشی سے اپنے کمرے میں چلا گیا - دوسرے دن اسد کی فرمائش پر جب اسکا لیپ ٹاپ اسکے پاس موجود تھا - تو اسکی خوشی کا کوئی ٹھکانہ نہ تھا . اب تو اسد کا زیادہ وقت اپنے لیپ ٹاپ پر گزرنے لگا اور وہ پڑھائی سے بھی چوری کرنے لگا - جسکی بنا پر وہ روز صبح دیر سے اٹھتا -

روزانہ صبح دیر سے اٹھنے پر ایک دن اسد کے ابو نے پوچھا " اسد آج کل تم صبح دیر سے اٹھتے ہو ؟" اسد نے جواب دیا "جی ابو وہ وہ ......." اسد کی امی نے بات بدلتے ہوے کہا " آپ کو میٹنگ کی دیر ہورہی ہے - " اسد بیٹا تم بھی اسکول جاؤ - اسد ایک امیر گھر کا لڑکا تھا - لیپ ٹاپ پر گیم موویز دیکھتا جس سے اسکی پڑھائی متاثر ہورہی تھی - لیکن جب اسد کے ابو اس سے کچھ پوچھتےتو اسکی امی آکر فورن بات بدل دیتی - اسد کے سالانہ امتحان قریب آرہے تھے - اور اس کی ذرا بھی تیاری نہیں تھی - اور نہ اسے کوئی فکر تھی - اسد کا آج پہلا پیپر تھا - اسد کو کچھ یاد نہ تھا، جس کی وجہ سے وہ پیپر خالی چھوڑ کر آگیا پھر دوسرا پیپر تیسرا پیپرایسے کر کر کے وہ سب پیپر خالی چھوڑ آیا - جب نتیجہ آیا تو اسد امتحانات میں فیل ہو چکا تھا - اسد بہت پریشان ہوا، اور دوسری طرف اس کے اساتذہ بھی بہت پریشان ہوئے کہ اس جیسا ذہین بچہ فیل کیسے ہوگیا ؟ بہرحال جب اسد گھر پہنچا اور جب اسکی امی کو پتہ چلا کہ وہ فیل ہو چکا ہے- تو اسکی امی بہت ناراض ہوئی اور اسد پر بہت غصہ ہوئی - جب اسد کے ابو نے اسد کا رزلٹ دیکھا تو وہ بھی بہت ناراض ہوئے- اسد دل میں بہت شرمندہ تھا کہ وہ امتحانوں کی تیاری کے وقت لیپ ٹاپ پر مشغول رہا جس کہ نتیجہ اسکے سامنے تھا -

لیکن اس کا قصور وار کون تھا؟ اسد کی امی ، جنہوں نے اسد کی حوصلہ افزائی کی یا خود اسد ؟

گوگل پلس پر شئیر کریں

ہمارے بارے میں

دنیا کی سب سے بڑی اردو ویب سائٹ، اردو خبریں، اردو شاعری، اردو کہانیاں، اسلامی کہانیاں، اخلاقی کہانیاں، قسط وار کہانیاں، خوفناک کہانیاں، اردو ناول، ٹیکنالوجی، کاروبار، کھیل، صحت، اسلام، ادب، اسلامی نام، اسلامی مضامین۔ سبلائم گیٹ ایک بہترین ویب بلاگ ہے اور آپ یہاں اپنی من پسند تحریریں پڑھ سکتے ہیں