نادانی کی سزا

 

نور کی تباہی کا وقت آ چکا تھا۔ کافی سوچ بچار کے بعد اس کے والد اور چچا نے نور کے آگے ہتھیار ڈال دیے۔ نور نے خود انجم سے اصرار کیا کہ وہ اپنی امی کو رشتہ لے کر بھیجے۔ یوں ایک دن خاموشی سے نور کی انجم سے شادی کی تاریخ مقرر ہو گئی۔ اس واقعے کے بعد سب پر سکتہ طاری ہو گیا۔ تیسرے دن بعد نور کو طلاق ہو گئی اور وہ روتی دھوتی اپنے والدین کی دہلیز پر آ گری۔
👇👇 

یہ گزرے دنوں کا قصہ ہے۔ میں اور نور بچپن کی سہیلیاں تھیں، مگر لوگ ہمیں سگی بہنیں سمجھتے تھے۔ ہم ایک جیسا لباس پہنتی تھیں، وضع قطع ایک سی تھی اور بال بھی ایک ہی طرح سے بنے ہوتے تھے۔ اس کا گھر ہمارے پڑوس میں تھا۔ نور کے والد اچھے عہدے پر فائز تھے۔ اس کا گھر کیا تھا، گویا جنت کا ایک ٹکڑا تھا۔ اس کی ماں کو میں خالہ کہتی تھی، مگر بچپن میں انہیں ’امی‘ کہا کرتی تھی۔ اسی طرح نور میری ماں کو امی بلاتی تھی۔ وقت کے ساتھ ساتھ ہمیں شعور آتا گیا، تاہم ہماری جوڑی کوئی نہ توڑ سکا۔ اسکول سے کالج تک یہی سلسلہ چلتا رہا اور لڑکیاں ہمیں بہنیں ہی سمجھتی تھیں۔

جب ہم نے کالج میں داخلہ لیا تو سب کچھ نیا نیا لگ رہا تھا۔ کالج کا ماحول اسکول سے بہت مختلف تھا۔ آہستہ آہستہ ہمیں نئے ماحول کی عادت ہو گئی۔ اکثر اوقات ہم کالج سے فارغ ہو کر اکٹھے بازار چلے جاتے، کیونکہ ہمارے والدین نے ہمیں اجازت دے رکھی تھی۔ اس کا یہ مطلب ہرگز نہیں تھا کہ ہم اس آزادی کا ناجائز فائدہ اٹھاتے ہوئے اپنے والدین کی عزت کو بٹہ لگائیں، مگر ہونے والی بات ہو کر رہتی ہے۔

ہوا یوں کہ جب ہم کالج سے چھٹی کے بعد امی کے لیے کوئی چیز لینے جاتے، تو نور تمام بازار چھوڑ کر صرف ایک ہی دکان پر رک جاتی اور مطلوبہ شے طلب کرتی۔ اگر وہ چیز اس دکان پر موجود نہ ہوتی، تو وہ کسی اور دکان یا اسٹور پر جانے کے بجائے دکاندار سے اصرار کرتی کہ وہ کسی دوسری دکان سے منگوا کر دے۔ وہ بے چارہ فوری طور پر اس کے حکم کی تعمیل میں دوڑا جاتا۔ نور کی یہ عادت میرے لیے پریشان کن تھی۔ میں اس سے کہتی: “اتنا بڑا بازار ہے، آخر اور بھی تو دکانیں ہیں، تم ایک ہی جگہ کیوں اڑ جاتی ہو؟” لیکن وہ میری بات ان سنی کر دیتی۔ اب میں نے بھی محسوس کرنا شروع کر دیا تھا کہ میری سہیلی اس نوجوان دکاندار میں دلچسپی لے رہی ہے؛ میں یہ سب محسوس تو کرتی، مگر اسے کچھ کہہ نہیں پاتی تھی۔

ایک دن تو نور نے حد ہی کر دی۔ وہ مجھے بتائے بغیر دوسرے پیریڈ میں غائب ہو گئی۔ میں نے سارا کالج چھان مارا مگر اس کا کچھ پتا نہ چلا، یہاں تک کہ چھٹی کا وقت ہو گیا۔ میں گیٹ پر پریشان کھڑی تھی کہ وہ نظر آئی۔ میں نے پوچھا: “تم کدھر گئی تھیں؟” مگر وہ کوئی تسلی بخش جواب نہ دے سکی۔ تب مجھے محسوس ہوا جیسے وہ مجھ سے کچھ چھپا رہی ہے۔ میں نے بھی زیادہ اصرار نہ کیا، لیکن زندگی میں پہلی بار گھر جاتے ہوئے ہم نے تمام راستہ خاموشی سے طے کیا۔ وہ اپنے گھر چلی گئی اور میں اپنے، مگر مجھے چین نہ آیا۔ میں ساری رات اس کے یوں غائب ہونے کے بارے میں سوچتی رہی لیکن کسی نتیجے پر نہ پہنچ سکی۔ رات کو اتفاق سے نور کے گھر جانا ہوا تو وہ بظاہر خوش دلی سے ملی، مگر کھوئی کھوئی سی تھی۔ اس نے تب بھی مجھ سے کھل کر بات نہ کی۔

اگلے دن صبح ہم پھر کالج کے لیے گھر سے نکلے۔ وہ راستے بھر خاموش رہی۔ کالج پہنچ کر اس نے بتایا کہ وہ آج پیریڈ اٹینڈ نہیں کرے گی۔ اس نے کہا: “صوفیہ، تم کلاس ختم ہونے کے بعد کینٹین میں آ جانا، میں تمہیں وہیں ملوں گی۔” میں کلاس میں چلی گئی۔ جب پیریڈ ختم ہوا اور میں کینٹین پہنچی تو دیکھا کہ نور ایک رقعہ پڑھ رہی ہے۔ مجھے دیکھتے ہی اس نے وہ چھپا لیا۔ میں نے اس بات کو نظر انداز کرتے ہوئے نور سے کہا: “کل سے تم پریشان سی لگ رہی ہو، آخر ایسی کون سی بات ہے جو تم مجھ سے چھپا رہی ہو؟ تم نے آج تک کوئی بات مجھ سے نہیں چھپائی۔” مگر اس نے میری کسی بات کا جواب نہ دیا۔ جب میں نے کافی اصرار کیا اور دوستی کا واسطہ دیا، تو وہ مجھے اپنی پریشانی کی وجہ بتانے لگی۔ تاہم اس نے مجھ سے وعدہ لیا کہ میں یہ باتیں کسی کو نہیں بتاؤں گی، پھر وہ یوں گویا ہوئی:

“سنو صوفیہ! بازار میں ہم جس دکان سے چیزیں لیتے ہیں، اس کا مالک نہایت خوبصورت ہے، ہے ناں؟” “ہاں ہے تو، مگر پھر؟” میں نے پوچھا۔ “پھر یہ کہ اس نے مجھ سے اکیلے آنے کا کہا تھا۔ کل میں اس کے پاس گئی تھی، اس کی دکان پر۔ ہمیں کچھ باتیں تنہائی میں کرنا تھیں، تبھی ہم دکان سے سڑک پار پارک میں چلے گئے۔ اس نے براہِ راست مجھ سے شادی کی خواہش کا اظہار کر دیا ہے اور التجا کی ہے کہ میں اس کی یہ پیش کش نہ ٹھکراؤں۔”

غرض یہ کہ نور نے مجھے وہ تمام باتیں بتا دیں جو اس عمر کے نوجوان لڑکے معصوم لڑکیوں سے کرتے ہیں اور والدین کی بدنامی کا سبب بن کر لڑکیوں کی زندگی برباد کر دیتے ہیں۔ نور نے بتایا کہ انجم نے اس سے آج جواب مانگا ہے۔ نور کی باتیں سن کر میرے بدن میں کپکپی دوڑ گئی۔ میں نے زندگی میں پہلی بار ایسی باتیں سنی تھیں۔ بڑی مشکل سے خود پر قابو پانے کے بعد میں نے نور سے کہا: “یہ فضول باتیں ہیں، ایسی باتوں میں کچھ نہیں رکھا۔ وقتی طور پر سب دل کو تسلی دیتے ہیں، لیکن ایسے کوئی ہمدرد نہیں بن جاتا۔ یہ عزت کا سوال ہے اور والدین سے بڑھ کر اس مسئلے کو کوئی حل نہیں کر سکتا۔ ہمارے والدین جیسا سوچیں گے، تمہیں ویسا ہی کرنا ہو گا۔” غرض جتنی مجھ میں ہمت تھی، میں نے ایک اچھی دوست ہونے کے ناتے نور کو بہت سمجھایا، مگر وہ باز نہ آئی۔

اب اس کا ایک ہی کام تھا؛ صبح کالج آتی، ایک یا دو پیریڈ لیتی، پھر جانے کہاں چلی جاتی اور چھٹی کے وقت واپس آ جاتی۔ اس کی یہ حرکتیں بڑھتی جا رہی تھیں، جن کی وجہ سے میں بہت پریشان رہنے لگی تھی۔ میں سوچتی تھی کہ اس کی ماں کو سب کچھ بتا دوں تاکہ وہ کسی بڑے نقصان سے بچ جائیں، پھر سوچا کہ دوستی کی لاج رکھتے ہوئے ایک بار پھر نور سے بات کر لی جائے، لیکن اب وہ اپنی ضد میں اتنی پکی ہو چکی تھی کہ اس نے مجھے نفرت بھری نگاہوں سے دیکھنا شروع کر دیا تھا۔ غصے میں نہ جانے اس نے مجھے کیا کچھ کہہ دیا، یوں ہماری دوستی کا پہلا باب آج ختم ہو گیا۔ میں روتی ہوئی بڑی مشکل سے گھر آئی۔ میں نے امی کو کچھ نہ بتایا لیکن نور سے دوستی ختم کر لی، کیونکہ اس نے اپنی آزادی کا ناجائز استعمال شروع کر دیا تھا۔

اب میں اپنے بھائی کے ساتھ کالج جاتی اور اکثر اسی کے ساتھ واپس آتی تھی۔ بھائی اور باپ وہ واحد سہارا ہوتے ہیں جو اپنی بہن بیٹی کے سر سے دوپٹہ اترنے نہیں دیتے، جبکہ نور کا مجھ سے تعلق بالکل ٹوٹ چکا تھا۔ اب وہ نہ جانے کس کے ساتھ آتی جاتی تھی۔ امی نے اس تبدیلی کی وجہ پوچھی تو میں نے تب بھی کچھ نہ بتایا اور نہ ہی نور کی امی کو کچھ کہا، البتہ نور نے خود اپنی ماں سے کہہ دیا کہ: “میں اس لیے صوفیہ کے ساتھ نہیں جاتی کیونکہ وہ راستہ بھر باتیں کرتی ہوئی جاتی ہے۔” خیر، میں یہ سن کر چپ رہی۔ ایک دن کالج کی لڑکیوں نے مجھے بتایا کہ نور کسی کے ساتھ گاڑی میں آتی اور جاتی ہے۔ میں نے تب بھی زبان نہ کھولی اور بس اتنا کہا کہ وہ اس کا بھائی یا کوئی کزن ہو گا۔

گرمیوں کی چھٹیاں ہو گئیں۔ پہلے میں ان طویل چھٹیوں میں بھی کہیں نہیں جاتی تھی، صرف نور کی خاطر، کیونکہ میں اس کی جدائی برداشت نہیں کر سکتی تھی، لیکن اس بار میں سخت بور اور دل گرفتہ تھی، دل پر منوں بوجھ تھا۔ میں نے سوچا کہ اب یہاں رہ کر یہ لمبی چھٹیاں تنہا کاٹنا مشکل ہو گا، چنانچہ میں نے امی سے کہا کہ خالہ جان کے گھر چلتے ہیں۔ میری خالہ زاد بہن مجھ سے بہت محبت کرتی تھی اور ہمیشہ مجھے اپنے شہر آنے کا کہتی تھی، لیکن میں کبھی نہیں گئی تھی۔ نور کی محبت نے مجھے سب سے الگ تھلگ کر دیا تھا۔ پہلی بار جب تنہائی محسوس ہوئی تو مجھے اپنی خالہ زاد بہنوں کی ضرورت کا احساس ہوا، چنانچہ ہم نے ان کے شہر کا رخ کر لیا اور تمام چھٹیاں وہیں گزار دیں۔ اس عرصے میں نور سے کوئی رابطہ نہ ہوا اور نہ ہی اس نے مجھ سے رابطہ کرنے کی کوشش کی۔

ابو یہ باتیں سن کر کافی رنجیدہ ہو گئے۔ خیر، کسی طرح خالو کو سمجھا بجھا کر گھر چھوڑ آئے۔ صبح ابو پھر خالو کو اپنے گھر لے آئے اور انہیں سمجھایا: “دیکھو! بیٹی کا رشتہ کرنا ہے تو ٹھنڈے دل سے سوچ لو۔ بہرحال رشتہ تو کرنا ہی ہے، بیٹی ایسی چیز نہیں جسے گھر میں بٹھا کر رکھا جائے، آج نہیں تو کل اسے بیاہنا ہی ہے۔ شاید خدا کی طرف سے یہی کوئی وسیلہ بن رہا ہو۔ ایسا کرتے ہیں کہ لڑکے کی اچھی طرح چھان بین کر لیتے ہیں۔ اگر مناسب سمجھیں گے تو کوئی اگلا قدم اٹھائیں گے۔” ابو کے سمجھانے پر خالو کسی حد تک مان گئے۔ پھر امی نے بھی جا کر نور کو تسلی دی۔ خالو نے اپنے چھوٹے بھائی کو بھی دوسرے شہر سے بلوا لیا اور تمام صورتحال سے آگاہ کر دیا۔ اب نور کے چچا لڑکے کی چھان بین میں لگ گئے۔

چھان بین کرنا والدین کی اولین ذمہ داری ہے؛ لڑکی کوئی ایسی چیز تو نہیں کہ جسے اٹھا کر پھینک دیا جائے۔ خیر! ابو، خالو اور نور کے چچا نے اس لڑکے کے بارے میں تمام معلومات اکٹھی کر لیں۔ ابو امی کو بتا رہے تھے کہ لڑکا، جس کا نام انجم ہے، مذہبی اور نظریاتی طور پر ہم سے بالکل مختلف ہے۔ ان کا اٹھنا بیٹھنا، کھانا پینا، غرض یہ کہ عبادت کے طریقے بھی ہم سے جدا ہیں۔ دوسرا یہ کہ وہ پہلے سے شادی شدہ تھا اور اپنی بیوی کو طلاق دے چکا تھا۔ اس دوران اس کی ایک منگنی بھی ٹوٹ چکی تھی۔ اس کا باپ نہیں تھا، صرف بوڑھی ماں تھی، جبکہ خاندانی لحاظ سے بھی کوئی سرپرست موجود نہ تھا۔ یہ تمام حقائق خالو نے نور کے سامنے رکھے۔ انہوں نے بہت پیار سے اپنی نادان بیٹی کو سمجھایا، مگر وہ تو جیسے کچھ سننے کو تیار ہی نہ تھی۔ اب گھر کے تمام افراد نور کے خلاف ہو گئے تھے۔ وہ اپنی ضد پر قائم تھی اور گھر والے اپنی بات پر اڑے ہوئے تھے۔ خالو کو البتہ کوئی ضد نہ تھی، ان کے لیے تو بیٹی کی زندگی کا مسئلہ تھا، مگر وہ لڑکی تو جیسے پاگل ہو رہی تھی۔ اس کی دیوانگی بڑھتی گئی، یہاں تک کہ اس نے گھر کا سکون تباہ کر ڈالا۔

نور کی امی اتنی پریشان تھیں کہ میں ان کی کیفیت لفظوں میں بیان نہیں کر سکتی۔ وہ بیٹی کی سرکشی سے دلبرداشتہ ہو کر صدمے سے بیمار پڑ گئیں۔ نور کے بھائی کی تعلیم ادھوری رہ گئی؛ وہ بے حد حساس تھا، اس لیے ہر وقت خلاؤں میں گھورتا رہتا اور نجانے کیا کچھ سوچتا رہتا تھا۔ خالو کی حالت تو دیکھی نہ جاتی تھی۔ روزانہ ان کے گھر سے لڑائی جھگڑے کی آوازیں آتیں۔ امی نے بھی اسے بہت سمجھایا، مگر اس نے امی سے بھی بدتمیزی شروع کر دی۔ وہ محبت میں بالکل اندھی ہو چکی تھی۔

ہر بات کی ایک حد ہوتی ہے؛ انسان جب خود گڑھے میں گرنے پر تلا ہو تو خیر خواہ بھی ایک دن پیچھے ہٹ جاتے ہیں۔ نور کی تباہی کا وقت آ چکا تھا۔ کافی سوچ بچار کے بعد اس کے والد اور چچا نے نور کے آگے ہتھیار ڈال دیے۔ نور نے خود انجم سے اصرار کیا کہ وہ اپنی امی کو رشتہ لے کر بھیجے۔ یوں ایک دن خاموشی سے نور کی انجم سے شادی کی تاریخ مقرر ہو گئی۔ اس واقعے کے بعد سب پر سکتہ طاری ہو گیا۔ لڑائی جھگڑے بند ہو گئے اور بظاہر سکون ہو گیا۔ نور کی تو ہر وقت باچھیں کھلی رہتی تھیں؛ وہ خوشی خوشی اپنی شادی کی تیاریوں میں مگن تھی۔ ایک دن وہ میرے پاس آئی اور مجھ سے بازار چلنے کو کہا، لیکن میں نے ہمیشہ کے لیے نور سے دوستی کا ہاتھ پیچھے کھینچ لیا تھا، لہذا میں نے صاف کہہ دیا: “میرے امتحان ہو رہے ہیں، میرے پاس وقت نہیں ہے۔”

خاندانی دشمنی

مزید پڑھیں

نور کی شادی نہایت سادگی سے ہوئی کیونکہ اس کے والدین کی بیماری پر کافی پیسہ خرچ ہو چکا تھا، اور یہ سب نور کی حرکتوں کا نتیجہ تھا۔ شادی کے محض دو ماہ بعد نور کی ساس نجانے کیسے لاپتہ ہو گئیں یا پھر انہیں جان بوجھ کر غائب کر دیا گیا۔ انہیں کافی تلاش کیا گیا، مگر یہ سب ایک سوچے سمجھے منصوبے کے تحت ہوا تھا تاکہ نور پر الزام آ جائے۔ پھر وہی ہوا، شوہر نے اس پر الزام لگایا: “تم میری ماں کی گمشدگی کی ذمہ دار ہو، تمہاری بدسلوکی سے گھبرا کر وہ کہیں چلی گئی ہیں، لہذا تم بھی اپنے والدین کے گھر دفع ہو جاؤ۔” انجم نے اسے طلاق کا کاغذ تھما کر رخصت کر دیا اور وہ اپنے والدین کی دہلیز پر آ گری۔ اس کے شوہر نے جہیز کا تمام سامان بھی ہڑپ کر لیا اور ایک سوئی تک واپس نہ کی۔

اس دن کی روداد میں بیان نہیں کر سکتی کہ نور کی کیا حالت تھی۔ میرے پاس وہ الفاظ نہیں ہیں کہ میں اس کے تاسف اور افسردگی کو رقم کر سکوں۔ وہ غم سے چور اور صدمے سے نڈھال تھی۔ اس کی یہ حالت دیکھ کر ماں باپ نے اسے کچھ بھی نہ کہا۔ سب خاموش رہے اور اسے ٹھکرانے کے بجائے گلے سے لگا لیا، کیونکہ اگر وہ بھی نور کو ٹھکرا دیتے یا کوئی سخت بات کہتے، تو یقیناً وہ صدمے سے مر جاتی۔

کافی دن تک وہ اپنے ہوش و حواس میں نہ رہی۔ اسے کسی بات کا ہوش نہ تھا کہ کس حال میں ہے، کیسے کپڑے پہنے ہیں یا کچھ کھایا پیا بھی ہے کہ نہیں۔ وہ ہر وقت گم صم خلاؤں میں تکتی رہتی تھی۔ گھر والے اس سے محبت کرتے تھے اور اس کے دکھ پر کڑھتے تھے، مگر کچھ کر نہیں سکتے تھے۔ اس نے بی اے بھی مکمل نہیں کیا تھا، اس لیے ملازمت ملنی بھی آسان نہ تھی کہ اس کا جی بہل جاتا۔

کہتے ہیں جب برے دن آتے ہیں تو اکیلے نہیں آتے۔ ایک دن تیز بارش ہو رہی تھی۔ میں بھی اداس تھی اور وہ بھی، کیونکہ اب ہم زیادہ ایک دوسرے سے نہیں ملتی تھیں۔ آج ہم دونوں کو تنہائی کھا رہی تھی؛ میں اسے یاد کر رہی تھی اور وہ مجھے۔ اچانک اس کے جی میں کیا سمائی کہ موسم کا لطف لینے چھت پر چڑھ گئی، وہیں کسی طرح اس کا پاؤں پھسلا اور وہ سیڑھیوں سے گر پڑی۔ اس حادثے میں اس کی ٹانگ ٹوٹ گئی۔ اس کے بعد میں روز ہی اس کے پاس جانے لگی۔ وہ جیسی بھی تھی، میری پیاری دوست تھی۔ غلطی انسان سے ہو جاتی ہے، یہ اس کی قسمت تھی کہ انجم اچھا لڑکا نہیں نکلا، ورنہ اس کی زندگی قابلِ رشک بھی ہو سکتی تھی۔ بہر حال اس کے بعد ہماری دوستی پھر سے پہلے جیسی ہو گئی۔

میں نے بی اے کر کے بی ایڈ کیا اور میری شادی ہو گئی، میں اپنے گھر کی ہو گئی۔ نور نے بھی حالات سے سمجھوتہ کر لیا۔ بدقسمتی سے اس کی ٹانگ صحیح طرح نہ جڑ سکی اور وہ لنگڑا کر چلنے لگی۔ اب چلنے کے لیے اسے بیساکھیوں کی مدد لینی پڑتی تھی، جس سے وہ احساسِ کمتری کا شکار ہو گئی۔ جب اس کے ابو ریٹائر ہو گئے اور بھائیوں کی بھی شادیاں ہو گئیں، تو اس نے خود کو مصروف رکھنے کے لیے گھر پر ہی بچوں کو دینی تعلیم سے نوازنے شروع کر دیا۔ اس نے پھر کبھی شادی کا نام نہ لیا، یہاں تک کہ سر میں چاندی کے بال چمکنے لگے۔

بہن کا منگیتر

مزید پڑھیں

آج کل اس کے والدین کو اس کا غم کھائے جاتا ہے۔ وہ اب بوڑھے ہو چکے ہیں اور انہیں فکر اس بات کی ہے کہ ان کے بعد اس بے سہارا بیٹی کا کیا بنے گا۔ وہ نادانی میں کی گئی ایک غلطی، جس نے نور کی زندگی کے تمام رنگ چھین لیے، اب اس کے والدین کے لیے ایک دائمی پچھتاوا بن چکی ہے۔ نور اب اپنا زیادہ تر وقت مصلے پر گزارتی ہے یا پھر محلے کے بچوں کو قرآنِ پاک پڑھاتی ہے۔ اس کے چہرے پر ایک عجیب سی خاموشی اور ٹھہراؤ آ گیا ہے، جیسے اس نے تقدیر کے لکھے کو پورے دل سے قبول کر لیا ہو۔ کبھی کبھی وہ پرانی یادوں کی راکھ کریدتی ہے تو اس کی آنکھیں نم ہو جاتی ہیں، لیکن اب وہ ان آنسوؤں کو کسی پر ظاہر نہیں ہونے دیتی۔

میں جب بھی اس سے ملنے جاتی ہوں تو اس کی بیساکھیاں دیکھ کر میرا دل بھر آتا ہے۔ وہ اکثر کہتی ہے: “صوفیہ! انسان اپنی آزادی کا غلط استعمال کر کے سمجھتا ہے کہ وہ جیت گیا، لیکن اصل جیت اپنے والدین کے مان اور ان کی رضا میں ہوتی ہے۔ ” نور کی کہانی آج کی ہر اس لڑکی کے لیے ایک لمحۂ فکریہ ہے جو جذبات کی رو میں بہہ کر اپنے مخلص رشتوں کی قربانی دے دیتی ہے۔ 

Yeh guzray dino ka qissa hai. Mein aur Noor bachpan ki saheliyan theen, magar log hamein sagi behnein samajhte thay. Hum aik jaisa libas pehenti theen, waza qata aik si thi aur baal bhi aik hi tarah se banay hotay thay. Us ka ghar hamaray paros mein tha.

Noor ke walid achay ohday par faiz thay. Us ka ghar kya tha, goya jannat ka aik tukra tha. Us ki maa ko mein khala kehti thi, magar bachpan mein unhein ‘Ammi’ kaha karti thi. Isi tarah Noor meri maa ko Ammi bulati thi. Waqt ke sath sath hamein shoor aata gaya, taham hamari jori koi na tor saka. School se college tak yehi silsila chalta raha aur larkiyan hamein behnein hi samajhti theen.

Jab hum ne college mein dakhla liya to sab kuch naya naya lag raha tha. College ka mahool school se buhat mukhtalif tha. Aahista aahista hamein naye mahool ki aadat ho gayi. Aksar auqat hum college se farigh ho kar ikathay bazar chalay jatay, kyunke hamaray waldain ne hamein ijazat de rakhi thi. Is ka yeh matlab hargiz nahi tha ke hum is azadi ka najaiz faida uthatay hue apnay waldain ki izzat ko batta lagayein, magar honay wali baat ho kar rehti hai.

Hua yun ke jab hum college se chutti ke baad Ammi ke liye koi cheez lenay jatay, to Noor tamam bazar chor kar sirf aik hi dukan par ruk jati aur matlooba shay talab karti. Agar woh cheez us dukan par maujood na hoti, to woh kisi aur dukan ya store par janay ke bajaye dukandar se israr karti ke woh kisi doosri dukan se mangwa kar day. Woh bechara fouri tor par us ke hukam ki tameel mein dora jata. Noor ki yeh aadat meray liye pareshan kun thi. Mein us se kehti: "Itna bara bazar hai, aakhir aur bhi to dukanein hain, tum aik hi jagah kyun arr jati ho?" Lekin woh meri baat unsuni kar deti. Ab mein ne bhi mehsoos karna shuru kar diya tha ke meri saheli is jawan dukandar mein dilchaspi le rahi hai; mein yeh sab mehsoos to karti, magar usay kuch keh nahi pati thi.

Aik din to Noor ne had hi kar di. Woh mujhay bataye baghair doosray period mein gayab ho gayi. Mein ne sara college chaan mara magar us ka kuch pata na chala, yahan tak ke chutti ka waqt ho gaya. Mein gate par pareshan khari thi ke woh nazar aayi. Mein ne poocha: "Tum kidhar gayi theen?" Magar woh koi tasalli bakhsh jawab na de saki. Tab mujhay mehsoos hua jaisay woh mujh se kuch chupa rahi hai. Mein ne bhi zyada israr na kiya, lekin zindagi mein pehli baar ghar jatay hue hum ne tamam rasta khamoshi se tay kiya. Woh apnay ghar chali gayi aur mein apnay, magar mujhay chain na aaya. Mein sari raat us ke yun gayab honay ke baray mein sochti rahi lekin kisi nateejay par na puhanch saki. Raat ko ittifaq se Noor ke ghar jana hua to woh bظahir khush dili se mili, magar khoyi khoyi si thi. Us ne tab bhi mujh se khul kar baat na ki.

Agaly din subah hum phir college ke liye ghar se niklay. Woh rastay bhar khamosh rahi. College puhanch kar us ne bataya ke woh aaj period attend nahi karay gi. Us ne kaha: "Sofia, tum class khatam honay ke baad canteen mein aa jana, mein tumhein wahin milun gi." Mein class mein chali gayi. Jab period khatam hua aur mein canteen puhanchi to dekha ke Noor aik ruqqa parh rahi hai. Mujhay dekhtay hi us ne woh chupa liya. Mein ne is baat ko nazar andaz kartay hue Noor se kaha: "Kal se tum pareshan si lag rahi ho, aakhir aisi kaun si baat hai jo tum mujh se chupa rahi ho? Tum ne aaj tak koi baat mujh se nahi chupayi." Magar us ne meri kisi baat ka jawab na diya. Jab mein ne kaafi israr kiya aur dosti ka wasta diya, to woh mujhay apni pareshani ki wajah batanay lagi. Taham us ne mujh se waada liya ke mein yeh batein kisi ko nahi bataungi, phir woh yun goya hui:

"Suno Sofia! Bazar mein hum jis dukan se cheezein letay hain, us ka malik nihayat khoobsurat hai, hai na?" "Haan hai to, magar phir?" mein ne poocha. "Phir yeh ke us ne mujh se akaylay aanay ka kaha tha. Kal mein us ke paas gayi thi, us ki dukan par. Hamein kuch batein tanhai mein karni theen, tabhi hum dukan se sarak paar park mein chalay gaye. Us ne barah-e-raast mujh se shadi ki khwahish ka izhaar kar diya hai aur iltija ki hai ke mein us ki yeh pesh kash na thukraon."

Gharz yeh ke Noor ne mujhay woh tamam batein bata deen jo is umar ke nawjawan larkay masoom larkiyon se kartay hain aur waldain ki badnami ka sabab ban kar larkiyon ki zindagi barbad kar detay hain. Noor ne bataya ke Anjum ne us se aaj jawab manga hai. Noor ki batein sun kar meray badan mein kapkapi dor gayi. Mein ne zindagi mein pehli baar aisi batein suni theen. Bari mushkil se khud par qabu panay ke baad mein ne Noor se kaha: "Yeh fazool batein hain, aisi baton mein kuch nahi rakha. Waqti tor par sab dil ko tasalli detay hain, lekin aisay koi hamdard nahi ban jata. Yeh izzat ka sawal hai aur waldain se barh kar is maslay ko koi hal nahi kar sakta. Hamaray waldain jaisa sochein gay, tumhein waisa hi karna hoga." Gharz jitni mujh mein himmat thi, mein ne aik achi dost honay ke natay Noor ko buhat samjhaya, magar woh baaz na aayi.

Ab us ka aik hi kaam tha; subah college aati, aik ya do period leti, phir janay kahan chali jati aur chutti ke waqt wapas aa jati. Us ki yeh harkatein barhti ja rahi theen, jin ki wajah se mein buhat pareshan rehnay lagi thi. Mein sochti thi ke us ki maa ko sab kuch bata doon taake woh kisi baray nuqsan se bach jayein, phir socha ke dosti ki laaj rakhtay hue aik baar phir Noor se baat kar li jaye, lekin ab woh apni zid mein itni pakki ho chuki thi ke us ne mujhay nafrat bhari nigahon se dekhna shuru kar diya tha. Ghussay mein na janay us ne mujhay kya kuch keh diya, yun hamari dosti ka pehla baab aaj khatam ho gaya. Mein roti hui bari mushkil se ghar aayi. Mein ne Ammi ko kuch na bataya lekin Noor se dosti khatam kar li, kyunke us ne apni azadi ka najaiz istemal shuru kar diya tha.

Ab mein apnay bhai ke sath college jati aur aksar usi ke sath wapas aati thi. Bhai aur baap woh wahid sahara hotay hain jo apni behen beti ke sar se dupatta utarnay nahi detay, jabke Noor ka mujh se taluq bilkul toot chuka tha. Ab woh na janay kis ke sath aati jati thi. Ammi ne is tabdeeli ki wajah puchi to mein ne tab bhi kuch na bataya aur na hi Noor ki Ammi ko kuch kaha, albatta Noor ne khud apni maa se keh diya ke: "Mein is liye Sofia ke sath nahi jati kyunke woh rasta bhar batein karti hui jati hai." Khair, mein yeh sun kar chup rahi. Aik din college ki larkiyon ne mujhay bataya ke Noor kisi ke sath gari mein aati aur jati hai. Mein ne tab bhi zaban na kholi aur bas itna kaha ke woh us ka bhai ya koi cousin hoga.

Garmiyon ki chuttiyan ho gayeen. Pehlay mein in taveel chuttiyon mein bhi kahin nahi jati thi, sirf Noor ki khatir, kyunke mein us ki judai bardasht nahi kar sakti thi, lekin is baar mein sakht bore aur dil-girafta thi, dil par manon bojh tha. Mein ne socha ke ab yahan reh kar yeh lambi chuttiyan tanha katna mushkil hoga, chunancha mein ne Ammi se kaha ke khala jaan ke ghar chaltay hain. Meri khala-zad behen mujh se buhat mohabbat karti thi aur hamesha mujhay apnay shehar aanay ka kehti thi, lekin mein kabhi nahi gayi thi. Noor ki mohabbat ne mujhay sab se alag thalag kar diya tha. Pehli baar jab tanhai mehsoos hui to mujhay apni khala-zad behno ki zaroorat ka ehsas hua, chunancha hum ne un ke shehar ka rukh kar liya aur tamam chuttiyan wahin guzar deen. Is arsay mein Noor se koi rabta na hua aur na hi us ne mujh se rabta karnay ki koshish ki.

Abbu yeh batein sun kar kaafi ranjeeda ho gaye. Khair, kisi tarah khalu ko samjha bujha kar ghar chor aaye. Subah Abbu phir khalu ko apnay ghar le aaye aur unhein samjhaya: "Dekho! Beti ka rishta karna hai to thanday dil se soch lo. Bahar-haal rishta to karna hi hai, beti aisi cheez nahi jisay ghar mein bitha kar rakha jaye, aaj nahi to kal usay biyahna hi hai. Shayad Khuda ki taraf se yehi koi waseela ban raha ho. Aisa kartay hain ke larkay ki achi tarah chaan-been kar letay hain. Agar munasib samjhein gay to koi agla qadam uthayein gay." Abbu ke samjhanay par khalu kisi had tak maan gaye. Phir Ammi ne bhi ja kar Noor ko tasalli di. Khalu ne apnay chotay bhai ko bhi doosray shehar se bulwa liya aur tamam surat-e-haal se aagah kar diya. Ab Noor ke chacha larkay ki chaan-been mein lag gaye.

Chaan-been karna waldain ki awaleen zimmedari hai; larki koi aisi cheez to nahi ke jisay utha kar phenk diya jaye. Khair! Abbu, khalu aur Noor ke chacha ne is larkay ke baray mein tamam maloomat ikathi kar leen. Abbu Ammi ko bata rahay thay ke larka, jis ka naam Anjum hai, mazhabi aur nazriyati tor par hum se bilkul mukhtalif hai. Un ka uthna baithna, khana peena, gharz yeh ke ibadat ke tareeqay bhi hum se juda hain. Doosra yeh ke woh pehlay se shadi shuda tha aur apni biwi ko talaq de chuka tha. Is douran us ki aik mangni bhi toot chuki thi. Us ka baap nahi tha, sirf borhi maa thi, jabke khandani lihaz se bhi koi sarparast maujood na tha. Yeh tamam haqaiaq khalu ne Noor ke samnay rakhay. Unhon ne buhat pyar se apni nadan beti ko samjhaya, magar woh to jaisay kuch sunnay ko tayyar hi na thi. Ab ghar ke tamam afraad Noor ke khilaf ho gaye thay. Woh apni zid par qaim thi aur ghar walay apni baat par array hue thay. Khalu ko albatta koi zid na thi, un ke liye to beti ki zindagi ka masla tha, magar woh larki to jaisay pagal ho rahi thi. Us ki deewangi barhti gayi, yahan tak ke us ne ghar ka sukoon tabah kar dala.

Noor ki Ammi itni pareshan theen ke mein un ki kaifiyat lafzon mein bayan nahi kar sakti. Woh beti ki sarkashi se dil-bardashta ho kar sadmay se bimar par gayeen. Noor ke bhai ki taleem adhoori reh gayi; woh behad hassas tha, is liye har waqt khalaon mein ghoorta rehta aur najane kya kuch sochta rehta tha. Khalu ki halat to dekhi na jati thi. Rozana un ke ghar se larai jhagray ki awazein aatien. Ammi ne bhi usay buhat samjhaya, magar us ne Ammi se bhi bad-tameezi shuru kar di. Woh mohabbat mein bilkul andhi ho chuki thi.

Har baat ki aik had hoti hai; insan jab khud garhay mein girnay par tula ho to khair-khwah bhi aik din peechay hat jatay hain. Noor ki tabahi ka waqt aa chuka tha. Kaafi soch bichaar ke baad us ke walid aur chacha ne Noor ke aagay hathiyar daal diye. Noor ne khud Anjum se israr kiya ke woh apni Ammi ko rishta le kar bhejay. Yun aik din khamoshi se Noor ki Anjum se shadi ki tareekh muqarrar ho gayi. Is waqaye ke baad sab par sakta tari ho gaya. Larai jhagray band ho gaye aur bظahir sukoon ho gaya. Noor ki to har waqt baachein khuli rehti theen; woh khushi khushi apni shadi ki tayyariyon mein magan thi. Aik din woh meray paas aayi aur mujh se bazar chalnay ko kaha, lekin mein ne hamesha ke liye Noor se dosti ka hath peechay khench liya tha, lehaza mein ne saaf keh diya: "Meray imtihan ho rahay hain, meray paas waqt nahi hai."

Noor ki shadi nihayat saadgi se hui kyunke us ke waldain ki bimari par kaafi paisa kharch ho chuka tha, aur yeh sab Noor ki harkaton ka nateeja tha. Shadi ke mehaz do mah baad Noor ki saas najane kaisay lapata ho gayeen ya phir unhein jaan boojh kar gayab kar diya gaya. Unhein kaafi talash kiya gaya, magar yeh sab aik sochay samjhay mansubay ke tehat hua tha taake Noor par ilzam aa jaye. Phir wahi hua, shohar ne us par ilzam lagaya: "Tum meri maa ki gumshudgi ki zimmedar ho, tumhari bad-sulooki se ghabra kar woh kahin chali gayi hain, lehaza tum bhi apnay waldain ke ghar dafa ho jao." Anjum ne usay talaq ka kaghaz thama kar rukhsat kar diya aur woh apnay waldain ki dehleez par aa giri. Us ke shohar ne jahez ka tamam saman bhi harap kar liya aur aik sui tak wapas na ki.

Is din ki roudad mein bayan nahi kar sakti ke Noor ki kya halat thi. Meray paas woh alfaaz nahi hain ke mein us ke taasuf aur afsurdagi ko raqam kar sakoon. Woh gham se choor aur sadmay se nidhaal thi. Us ki yeh halat dekh kar maa baap ne usay kuch bhi na kaha. Sab khamosh rahay aur usay thukranay ke bajaye galay se laga liya, kyunke agar woh bhi Noor ko thukra detay ya koi sakht baat kehtay, to yaqeenan woh sadmay se mar jati.

Kaafi din tak woh apnay hosh-o-hawas mein na rahi. Usay kisi baat ka hosh na tha ke kis haal mein hai, kaisay kapray pehni hai ya kuch khaya piya bhi hai ke nahi. Woh har waqt gum-sum khalaon mein takti rehti thi. Ghar walay us se mohabbat kartay thay aur us ke dukh par karrhtay thay, magar kuch kar nahi saktay thay. Us ne BA bhi mukammal nahi kiya tha, is liye mulazmat milni bhi aasan na thi ke us ka jee behal jata.

Kehtay hain jab buray din aatay hain to akaylay nahi aatay. Aik din teiz barish ho rahi thi. Mein bhi udas thi aur woh bhi, kyunke ab hum zyada aik doosray se nahi milti theen. Aaj hum dono ko tanhai kha rahi thi; mein usay yaad kar rahi thi aur woh mujhay. Achanak us ke jee mein kya samayi ke mausam ka lutf lenay chhat par charh gayi, wahin kisi tarah us ka paon phisla aur woh seerhiyon se gir pari. Is haadsay mein us ki taang toot gayi. Is ke baad mein roz hi us ke paas janay lagi. Woh jaisi bhi thi, meri pyari dost thi. Ghalati insan se ho jati hai, yeh us ki qismat thi ke Anjum acha larka nahi nikla, warna us ki zindagi qabil-e-rashk bhi ho sakti thi. Bahar haal is ke baad hamari dosti phir se pehlay jaisi ho gayi.

Mein ne BA kar ke B.Ed kiya aur meri shadi ho gayi, mein apnay ghar ki ho gayi. Noor ne bhi halat se samjhota kar liya. Bad-qismati se us ki taang sahi tarah na jur saki aur woh langra kar chalnay lagi. Ab chalnay ke liye usay besakhiyon ki madad leni parti thi, jis se woh ehsas-e-kamtri ka shikar ho gayi. Jab us ke Abbu retire ho gaye aur bhaiyon ki bhi shadiyan ho gayeen, to us ne khud ko masroof rakhnay ke liye ghar par hi bachon ko deeni taleem se nawazna shuru kar diya. Us ne phir kabhi shadi ka naam na liya, yahan tak ke sar mein chandi ke baal chamaknay lagay.

Aaj kal us ke waldain ko us ka gham khaye jata hai. Woh ab borhay ho chukay hain aur unhein fikr is baat ki hai ke un ke baad is be-sahara beti ka kya banay ga. Woh nadani mein ki gayi aik ghalati, jis ne Noor ki zindagi ke tamam rang cheen liye, ab us ke waldain ke liye aik daimi pachhtawa ban chuki hai. Noor ab apna zyada tar waqt musallay par guzarti hai ya phir mohallay ke bachon ko Quran-e-Pak parhati hai. Us ke chehray par aik ajeeb si khamoshi aur thehrao aa gaya hai, jaisay us ne taqdeer ke likhay ko pooray dil se qabool kar liya ho. Kabhi kabhi woh purani yaadon ki raakh kureidti hai to us ki aankhein nam ho jati hain, lekin ab woh in aansuon ko kisi par zahir nahi honay deti.

Mein jab bhi us se milnay jati hoon to us ki besakhiyan dekh kar mera dil bhar aata hai. Woh aksar kehti hai: "Sofia! Insan apni azadi ka ghalat istemal kar ke samajhta hai ke woh jeet gaya, lekin asal jeet apnay waldain ke maan aur un ki raza mein hoti hai." Noor ki kahani aaj ki har us larki ke liye aik lamha-e-fikriya hai jo jazbaat ki rou mein beh kar apnay mukhlis rishton ki qurbani de deti hai.

 

 

(ختم شد)  

 

 

اگر کہانی پسند آئی ہو تو فیس بک کمنٹ میں ضرور بتائیں۔ شکریہ

سبق آموز کہانیاں - مکمل لسٹ